مڈل نیم ذہانت اورکامیابی کی علامت، تحقیق
والدین کا بچے کے لیے ایک یا ایک سے زیادہ اضافی نام منتخب کرنا معاشرے میں بچے کی سماجی حیثیت میں اضافے کا سبب بنتا ہے۔ انسان زندگی میں جو لفظ سب سے زیادہ سنتا ہے وہ اس کا اپنا نام ہے۔ کہتے ہیں کہ نام کا شخصیت پرگہرا اثرہوتا ہے۔ اسی لیے بچوں کے ناموں کا انتخاب کرنے میں والدین خاص طور پر احتیاط برتتے ہیں۔ سائنسدانوں نے ایک حالیہ مطالعے میں اس خیال کی تصدیق کرتے ہوئے کہا ہے کہ زندگی میں حاصل کردہ کامیابیوں میں بچے کے نام کے مفہوم کا خاص دخل ہوسکتا ہے۔ لیکن نام کے علاوہ اضافی نام (مڈل نیم) دے کر والدین بچے کو کامیابی کے راستے پر ڈالنے میں مدد کرسکتے ہیں۔ سائنسدانوں کا کہنا ہے کہ والدین بچوں کومستقبل میں کامیاب و کامران دیکھنا چاہتے ہیں اور بچے کے لیے اس کا نام والدین کی جانب سے دیا جانے والا ایسا تحفہ ہوتا ہے جس سے اس کی پہچان بنتی ہے۔ لیکن والدین کا بچے کے لیے ایک یا ایک سے زیادہ اضافی نام منتخب کرنا معاشرے میں اس کی سماجی حیثیت کو فروغ دیتا ہے۔ ماہرین نفسیات کہتے ہیں کہ نام کے بعد اور ولدیت سے پہلے اضافی نام کا استعمال روزمرہ زندگی میں خود کو دوسروں کے سامنے ہوشیار اور